GAURKO MUSIKEN AGERTOKIAK
Le Magnéto
Sorkuntza lekua
Astean behin edo bitan, zuzeneko musika maite dutenek talde amaturrak eta profesionalak entzuteko parada dute, tokiko taldeak, Frantziako taldeak eta nazioarteko taldeak. Talde bakoitzak bere mundua partekatzen du bere musikaren bidez: rocka, punka, reggaea, folka, popa, noisea, elektronikoa, hip-hopa, metala, bluesa, psikodelikoa...
Zurezko ate handia iragan ezazu, harrizko pasabidetik sartu, eta kontzertu paregabeen giroa dastatuko duzu Magnéto gelan!
Musika ezagutzeko eta partekatzeko lekua
La Locomotive elkarteak Magnéto gela kudeatzen du eta badu 30 urte baino gehiago musika jende gehienari helarazteko eginkizuna duela, jendarte loturak garatzekoa eta sendotzekoa, eta jakin-mina eta ezagutzeko gogoa piztekoa musikaren bidez. Eginkizun horiek Magnéto gelaren proiektuaren ardatzak dira, eta neurrizko prezioak plantan ezarri dira.
La Locomotive elkartea maiz elkarlanean ari da tokiko kultura elkarteekin. Musika eta kultura proposamenak anizten ditu Magnéto gelan eta erregularki hartzen ditu tokiko kultura elkarteek eta artista kolektiboek antolatu gaualdiak.
Le Magnéto gelan zaharberritze obra handiak eginen dira. Zenbait hilabetez hetsirik egonen da. Gelaren itxura paregabea atxikiko da eta baloratuko, eta artisten eta ikusleen erosotasuna hobetuko.