BAYONNE BASCOPHONE
Baiona eta euskara
Euskararen presentzia ohargarria
Euskararen arloko hainbat erakundek Baionan dute egoitza:
- Euskaltzaindiaren adar bat, Unibertsitateen arteko euskal ikasketen saila (UAEIS), CNRSko ikerketa unitate mistoa den Iker Euskal ikerketa zentroa, Euskararen Erakunde Publikoa (EEP)…
Beste hainbat eragilek ere jarduera Baionan dute
- Berria euskarazko egunkari bakarraren adarra, eta Herria astekaria.
- Elkar, euskarazko argitalpen eta hedapen enpresa handiena.
- France 3 Euskal Herri eta Urdin Euskal Herri irratia, partez euskaraz hedatzen dutenak.
- EiTB Euskal Autonomia Erkidegoko irrati eta telebista publikoak.
Ama-eskolatik lizeora, 958 haur eskolatuak dira murgiltze sisteman eta 410 haur elebidunean eskolatuak dira Baionan.
Euskara, hizkuntza bizia
Irakaskuntza gazteei euskararen transmititzeko bide nagusia bilakatu da. Egun, ama-eskolatik lizeora, 958 haur euskaraz eskolatuak dira Baionan eta 410 haur sail elebidunean eskolatuak dira euskara ikasten duten unibertsitateko ikasle eta helduez gain. Haurrek irakaskuntza sail eta eredu guziak eskura dituzte Baionan.
Euskarazko irakaskuntza eskaintza aberatsa eta anitza da, ama-eskolatik unibertsitatera.
Transmisioaren erronka: euskara packa
Sortzetik beretik, egoera zibilaren zerbitzuan sortze deklarazioa egitean, Euskal Elkargoko herrietako sortu berrien buraso guziei euskara packa proposatzen zaie, euskararen transmisiora sentsibilizatzeko. Euskara packean, eskolen, haurtzaindegien, aisialdi guneen eta euskara transmititzen duten beste eragileen aurkitegia dago.
Euskara packaz argibide gehiago HEMEN
Ikastearen erronka
Haur ttipientzat: bi haurtzaindegitan, euskarazko labeldun harrera
Luma Baiona elkarte-haurtzaindegia
9 bis, Georges Berges karrika, 64100 Baiona
05 59 59 11 10
luma-baiona@orange.fr
San Izpirituko hiriko haurtzaindegia
5, Aristide Briand karrika
05 59 55 29 10
creche.saint-esprit@bayonne.fr
Helduentzat: bi elkartetan, euskara kurtsoak
AEK elkartea
22, Marengo karrika - Baiona
05 59 59 50 99
AEK elkartea
Jakinola elkartea
12, Maubec karrika - Baiona
06 03 57 53 66
contact@jakinola.eus
Jakinola elkartea
Erabilpena eta plazerra
Aisia denboran euskararen erabiltzeko paradak ez dira eskas:
- Uda lekun, euskarazko aisialdi harrera
Uda leku elkartea
- Mintzalasai elkarteak BABko euskarazko animazio eskaintzen aurkitegi eguneratua argitaratzen du. Denen euskara gogoa asetzeko gisan!
Mintzalasai elkartea