Euskaldunen plazaren birkalifikazioa

Epe luzera, erabilera anitzetako plaza honek sei geraleku izanen dituen autobus geltoki birpentsatua eskainiko du, saltegietatik ahalik eta hurbilen diren « minutuko » eta bi gurpildun ibilgailuentzako aparkaleku optimizatuekin, oinezkoentzat gune baten sorrera barne, eta guzti hori ingurune berdeago eta atseginago batean.

Erdiguneko gune eta auzoko bihotz izanik, Euskaldunen plaza erabilera anitzeko lekua da. Erabilera horietako batzuek biztanleen bizi-kalitatean eragin dezakete: hiri-erdiguneko sartzearekin loturiko zirkulazioa, autobus geltokia, Turismo Bulegoaren presentzia, eta hurbileko merkataritza zein erdiguneko dendak eskura izateko parada ematen duen aparkaleku eskaintza. Baiona Hiriak plazaren eta haren erabileraren inguruko gogeta berria abiatu du, oinezkoentzat espazio eta segurtasuna lehenesteko, landare gehiago sartzeko eta terrazak ezartzeko parada emateko.

Autobus geltokiari loturiko eragozpenak murriztea

2025eko urtarrilaren 6az geroztik, Txik Txak sareko garraio-eskaintza berria abian ezarri da: autobus gehiago, maiztasun handiagoa eta ordutegi zabalagoa. Halaber, Baionako Hiriak, Euskal Hirigune Elkargoaren Garraio Sindikatuarekin elkarlanean, autobus geltokia hartzen duen plaza hau berriz pentsatu nahi du, ingurugirora hobeki egokitzeko eta erabiltzaileen beharretara ahalik eta gehien hurbiltzeko. Epe luzera, eta eskaintza murriztu gabe, 6 lineek bakarrik ukanen dute bukaerako nasa, kontra-etorbide bakarrean bilduak, plazako egoitzetatik ahal bezain urrun. Autobus geltokiaren berrantolaketak erabiltzaileen sarbidea erraztuko du, eta inguruko bizilagunek jasaten dituzten eragozpen zuzenak murriztuko ditu. Gidarientzat, atseden gune bat ere ereaikiko da.

Zirkulazioa baretu eta lurzorua desinpermeabilizatu

Hiriak bere plazak eta karrikak berritzen ditu oinezkoen eta txirrinduarien erosotasuna eta segurtasuna hobetzeko. Helburua ez da zirkulazioa kentzea, baizik eta fatxadetatik urruntzea, sor ditzakeen eragozpenak apaltzeko eta bide leunak egiteko espazioak areagotzeko. Saltokiei erakargarritasun eta erosotasun handiagoa emateko parada ere da. Terraza egokituagoak eta sarbide errazagoak.

Platano-lerrokadurek eskaintzen duten kanope eder batez gozatzen du plazak, baina, hala ere, oso minerala da lurrean. Proiektu honek, beraz, plantazio osagarriak barne hartzen ditu, autoen presentzia idealki gordetzeko eta urruntzeko. Horrela, bizitegietatik hurbilen dagoen aparkaleku-eremua oinezkoentzako gune bat bilakatuko da, eta haren sarrera automatikoki kontrolatuko da (azkena Azaroaren 11ko etorbidearen ondoan kokatuta), erdiguneko oinezkoen plazako baldintza berberetan. Ateratzea Léon-Bonnat etorbidearen ondoan izanen da. Gune hori, aparkalekutik landare zerrenda batez bereizia, hormigoi leunduz tratatua izanen da (Poterne-eko bide berriak bezala), espaloiaren eta arkupeko zoruaren maila berean. Gune horrek bizikletentzako arketak ere izanen ditu, txirrindulariak saltegietatik eta egoitzetatik hurbilen dagoen gunera sartu ahal izateko.

Plazaren birmoldaketa orokorraren ondorioz, 100 plazako aparkalekua gehi 20 plaza motordun bi gurpilendako eta iraupen laburreko 8 aparkaleku sortuko dira, horrela errotazioa sustatuz. Faseka eginen den lanak obra guztian zehar aparkaleku-eskaintza mantentzea ahalbidetuko du.

Hiru fasetan antolatutako lanak

Obrak heldu den apirilaren 28an hasiko dira, autobus geltokiaren antolaketarekin, eta aparkalekuaren birkalifikatzearekin segituko dute, uztailaren hastapenean, Baionako Besten aitzinean, obragintza eten arte. Eraikinaren oinean dagoen oinezkoendako gunea urbanizatzeko lanak irailaren hasieran hasiko dira eta 2025eko azaroaren erdialdean bukatuko dira aparkalekuaren ertzean landareak landatuz.

Lanen guztiko kostua 700.000 €-koa da BEZ-ik gabe, 400.000 €-koa eraikinaren oinean dagoen oinezkoendako gunea urbanizatzeko eta 180.000€-koa Mugikortasun Sindikatuak bere gain hartua autobus geltokia garatzeko.