Herriko Gune Soziokulturala

HGSKa bost ardatzetan

• Auzoko biztanleei zuzendutako hurbileko jarduerak eta zerbitzuak
• Jendeen igurikatzeak, eskaerak eta eskariak entzuteko gunea
• Partaidetzako urraspide berritzailea
• Biztanleen aldeko ekintzak plantan ezartzea
• Partaideen arteko bitartekaritza eginkizuna

Kultura eta aisialdi jarduerak proposatuak dira, baita denei zabaldutako ziber-base bat, multimedia gunea.

Adin guziei zuzendutako jarduera desberdinak

Nerabegaiei zuzendutako ostatatze gabeko aisialdi harrera

Asteazkenetan eta eskolako oporretan, HGSKak nerabegaiei zuzendutako aisialdi harrera bat proposatzen dizu. Zure haurrek aisialdi, kirol eta kultura jarduerak ezagutzen eta praktikatzen ahalko dituzte. Egitaraua haurrekin finkatua da, egituraren bizitzan parte hartzea bultzatuz.

Etxeko lanak egiteko laguntzak eta eskola-sustengua

Lehen mailako lehen urtetik lizeoko azken urteraino, boluntario eta profesional batzuek laguntza eskaintzen dizute: beregaintasuna eta antolaketari buruzko lana eta ekarpen tekniko batzuk.

Musika eta kirol jarduerak

Profesional batzuek ematen dituzte gitarra eta bateria klaseak, solfeorik gabe, oinarrizko nozioak lortzeko gisan.
Norberak bere erritmoan bere burua zaintzeko, zumba, pilates edota gimnastika klaseak denei zabalduak dira.

Frantsesa Atzerriko Hizkuntza klaseak (FAH)

Profesionalek klaseak ematen dizkiete frantsesa ikasi eta haien ingurumena beretu nahi duten etorri berriei.

Haurrei, helduei eta familiei zuzendutako jarduerak

Jarduera anitz daude zure zain, gazte, heldu eta familien sailean, elkarrekin momentuak partekatzeko: bisita gidatuak, ateraldiak zinemara, antzerkira, ibilaldiak…